EU dohkkehii meahcásteami joatkima suodjalan- ja meahcceguovlluin

Eurohpá uniovnna biodiversiteahttastrategiijas jahkái 2030 mihttomearrin lea suodjalit 30 proseantta EU:a viidodagas, mas 10 proseantta galggašii leat čavga suodjaleami vuollásaš.

EU:a evttohusas meahcce- ja guollebivdu bálddalasto ruvkeindustriijai, maid galggašii gieldit čavga suodjaleami vuollásaš guovlluin. Suomas dát livččii oaivvildan meahcceguovlluid, Natura-guovlluid ja álbmotmehciid. Geavadis measta olles Davvi-Sápmái livččii boahtán meahcce- ja guollebivdogielddus.

Lahttoriikkaid vuostálastimis EU geassádii evttohusas. Fuođđo- ja guollenáliid suvdilis ávkkástallan oažžu joatkašuvvat. Suvdilis meahcce- ja guollebivdu leat mearkkašahtti oassi viiddis suodjalanguovlluid áhpásmuhttinanus ja daid suovvan lea guovddáš ášši, vai eallinbirrasiid suodjaleapmi lea dohkkehuvvon.