Lágat ja lobit

Boarásmuvvi báhčiniskkus­čađahemiide joatkkaáigi

teaksta Suoma fuođđoguovddáža almmolaš
hálddahusdoaimmat

Julkaistu14.5.2020

Báhčiniskosa, mii boarásmuvvá jagi 2020, fápmosis leahkin jotkojuvvo láhkanuppástusain suoidnemánu 2021 loahpa rádjai, vai koronavirusdili dihtii ordnekeahttá báhcán báhčiniskosat eai hehtte meahcásteaddji oassálastima ealgaealliid bivdui boahttevaš baji.

Báhčiniskkus gáibiduvvo ain meahcásteaddjiin, geat eai leat dan árabut čađahan ja geain dat lea boarásmuvvan ovdal vássán jagi.

Báhčiniskkusdoaimma sáhttá vejolaččat joatkit ovdal meahcástanbaji álgima.

Suoma fuođđoguovddáš rávve fuođđodikšunservviid dárbbu mielde sierraordnemiin, maiguin sihkkarastit koronavirusdili dihtii addojuvvon njuolggadusaid, mearrádusaid ja rávvagiid čuovvuma. Dárkkuhus lea fállat dorvvolaš ja vealtameahttun báhčiniskkusordnemiid vuosttažettiin ođđa meahcásteaddjiide.