Meahcásteaddjit veahkehedje čielggadit čáhcelottiid beassanleavvama
Geasi áigge meahcásteaddjit merkejedje movttegit bessenáicamiid Oma riistai. Badjel 10 000 áicama sirdojuvvojit čakčat oassin loddeatlasii.
Loddeatlaskártemiiguin čuovvut bessenlottiid leavvama Suomas. Kárten lea árbevirolaččat leamašan loddeberošteaddjiid ovddasvástádussan, muhto dán jagi meahcásteaddjiid duvde mielde dieđučoaggimii eandalii fuođđočáhcelottiid bokte.
Fuođđo- ja ráfáidahtekeahtes šlájaid beassádagain girjejedje measta 2 600 ja párain badjel 1 000 áicama. Loahpat áicamiin ledje bessemii čujuhan oaidnin-, gihkan- ja beasseáicamat. Oassálastin lea dahkkon Oma riista -applikašuvnnas hui álkin.
– Stuorra giittus buohkaide, geat vulge dása mielde. Sávvamis oažžut boahtte jagi ain eanet beassádatáicamiid, eandalii maŋosmannan čáhcelottiin ja ovdamearkan bealdobaggus,dadjá spesiálaplánejeaddji Matti Kervinen.
Maŋosmannan čáhcelottit leat earret eará snárttal, biekčavuojaš ja spoađđoduoršu, vuoktafiehta ja vuokta- ja gussagoalsi. Áicamiid dárbbašat hárveásson guovlluin eandalii Davvi-Suomas. Buot áicamat leat goittotge mávssolaččat.
Kártema dahkat Suomas jagiid 2022–2025 áigge. Dán jagi oasil bessenáigodat lea eanaš nohkan. Áicamiid čoaggin joatkašuvvá fas boahtte giđa ja gease.
