Spireoktavuođaolbmuide almmuhuvvon stuorraspireáican oidno mearrádusdahkamis
Almmut stuorraspireáicamiiddát spireoktavuođaolbmui. Dušše Tassu-vuogádahkii girjejuvvon áicamiin lea váikkuhus mearrádusdahkamis.
Spireoktavuođaolmmošfierpmádaga sihkkarastán áicamat dahkat vuođu stuorraspirenáliid árvvoštallamii. Measta 2 500 olbmo fierpmádat lea doaibman 1970-logu rájes.
Spireoktavuođaolbmot leat eaktodáhtolaččat, skuvlejuvvon áššedovdit, geat dárkkistit stuorraspireáicamiid. Sii vurkejit áicamiid Luondduriggodatguovddáža bajásdoallan Tassu-vuogádahkii.
Riikkavuložiid almmuhan áican sáhttá leat oaidnináican dahje áican luottain, baikkain, ráppiin dahje gáskkašanluottain. Lea dehálaš almmuhit dárkkes detáljaid ja sajádaga spireoktavuođaolbmui seammás áicama maŋŋá. Johtilvuohta lea ovdu. Maiddái unnit dehálaš áicamiid lea buorre almmuhit, go dat dievasmahttet ollislašgova ja sáhttet sihkkarastit muhtun nuppi eahpesihkkarin báhcán áicama.
Some ii buhtte almmuhusa spireoktavuođaolbmui
Iežas gilliságain almmuhuvvon áicamat eai fáhte virgeolbmuid, iige dain leat árvu mearrádusdahkamis. Maiddái Oma riistai vurkejuvvon stuorraspireáicamat eai sirdašuva spireoktavuođaolbmui dahje virgeoapmahaččaide dahje virgeoapmahaččaide. Áicamat girjejuvvojit Tassui dušše, jus dat almmuhuvvojit spireoktavuođaolbmui.
Tassu-vuogádahkii áicamiin merkejuvvojit earret eará ealli šládja ja lohkomearri, áicanbáiki ja -agi. Maiddái luottaid mihtut girjejuvvojit álo go vejolaš. Albasa ja gumppe luoddaáicamiin mihtiduvvo ovdageahpila govdodat ja guhkkodat, guovžža ha geatkki luoddaáicamiin ovdageahpila govdodat. Ássama lahkasiin lihkadan stuorraspiriin girjejuvvo lassin mátki lagamus ássojuvvon ráhkadussii.
Tassu-áicamiid ávkkástallat máŋgga láhkai
Tassui girjejuvvojedje badjel 50 000 áicama jagi 2024. Eanemus vurkejuvvojit albbas- ja gumpeáicamat, unnimus geatkeáicamat.
Gokčevaš áicanmateriála lea hui dehálaš stuorraspirenáliid árvvoštallamis. Jus áicamat geahppánit dahje daid geográfalaš gokčevašvuohta fuotnu, de loahpaloahpas olles nálleárvvoštallamiid luohtehahttivuohta gillá.
Virgeoapmahaččat ja fuođđohálddahus ávkkástallet Tassu-áicamiid doarjjan go vihkkehallet doaimmaid váttisvuođaid dahkan ealliid ádjimii dahje jávkadeapmái. Lassin áicamiid ávkkástallat stuorraspirevahágiid ovddalgihtii eastadeamis. Áicandieđuid sáhttá ávkkástallat maiddái go árvvoštallat mánáid skuvlasáhtuid dárbbašlašvuođa.
Jus ealli láhtte áitalasat, galgá deaivideamis almmuhit heahteguovddážii, muhto ášši lea buorre addit maiddái spireoktavuođaolbmo dihtui, vai virgeoapmahaččat ja hálddahus sáhttet hábmet gokčevaš dillegova.
