Jus gumpe boahtá šilljui: Gii beare sáhttá baldit gumppe ovdamearkan garra jienain. Jus gumpe jávká seammás guovllus, daga áicamis almmuhusa spireoktavuođaolbmui. Virgeoapmahaččat sáhttet figgat baldit ássama lahkasii hárjánan gumppiid ovdamearkan jietnabalddonasain dahje čuovgapistovllain.

Váldonjuolggaduslaččat Suoma fuođđoguovddáš lea oassebealli, geasa váldojuvvo oktavuohta čuoggáin 1 ja 2 oaivvilduvvon dáhpáhusain. Fuođđoguovddáš mearrida vuodjelandoaimmain.

Bolesii váldojuvvo oktavuohta čuoggáid 3 ja 4 oaivvilduvvon dáhpáhusain. Boles doaibmá dáin dáhpáhusain Boleshálddahusa rávvagiid mielde ja mearrida dárbbašlaš joatkkadoaimmain dáhpáhusaid mielde. Olbmo heggii dahje dearvvašvuhtii áitaga dagahan ealli gittaváldin dahje goddin lea lága mielde bolesa doaibma.

1. Fuola boktán gumpe 

Gumpe dahje dan luottat áicojuvvojit vuollel 100 mehtera geažes ássan- dahje buvttadanráhkadusas, goittotge šilljoguovllu olggobealde dahje geainnu alde.

2. Vejolaš áitaga dagahan gumpe

Gumppe luottat áicojuvvojit ássojuvvon ráhkadusa dahje buvttadanráhkadusas šilljoguovllus. Seammá, jus gumpe áicojuvvo šiljus ja dat jávká seammás olbmo áiccadettiin. Šilljoguovlluin oaivvildat ássan- dahje buvttadanráhkadusas oktavuođas lean dikšojuvvon guovllu. Guoros lustaáiggevisttit eai váldojuvvo vuhtii.

3. Áitaga dahje vára dagahan gumpe

Gumpe áicojuvvo lihkadit huksejuvvon birrasis dahje olbmuid ássanguovlluin guhkit go soaittáhas áicama dahje njuolggo báikkis jávkama.

4. Duođalaš vára dagahan gumpe

Gumpe lahkona olbmo dahje ii eará deaivvadandilis jávkka báikkis muhto báhcá gálbbardit dahje čuovvut dahje láhtte balddihahtti vugiin. Seammá dilit, main gumpe lea dagahan dahje figgan dagahit olmmošvahága dahje lea fallehan dahje figgan fallehit olbmuin olgun lávžegeažis lean beatnaga dahje eará (olbmos lávžegeažis lean) ruovttuealli.

Jus gumpe falleha beatnaga, sáhka sáhttá leat bággodilis, mas ásahuvvo rihkuslágas. Opmodagas oažžu fallehandilis bealuštit, go beare bággodili eavttut ollašuvvet.