Nuortarájá lahkasiin meahcástettiin galgá muitit moadde ášši. Suoma nuortarájá suddje rádjeavádat, man govdodat molsašuddá moatti čuohte mehteris golmma kilomehterii. Rádjeavádahkii mannan almmá lobi lea ráŋggáštanvuloš. 

Rádjeavádagas dáhpáhuvvan ealgga vuojehanbivddu sáhttá dihto diliin oažžut lobi. Lobi galgá ohcat ovddalgihtii juohkehažžii bivdui oassálastán olbmui, juogo joavkun dahje juohkehažžii sierra. Mieđihuvvon lobi galgá fievrridit mielde alo rádjeavádagas lihkadettiin. 

Rádjegozáhuslágádus  sáhttá mieđihit lobi, jus dasa lea dohkkehahtti sivva, ovdamearkan fuođđoguovddáža ealgga meahcásteapmái mieđihuvvon lohpi, mas meahcástanguovlu ollá rádjeavádahkii. Lohpeohcamušas galgá ákkastallat, manin vuojehanbivdu galggašii dáhpáhuvvat aiddo rádjeavádagas. 

Ane beatnaga gitta rájá lahkasiin

Garvve meahcástanbeatnaga luovusin luoitima rájá lahkasiin, amas ii dat vahágis mannat Ruošša beallái. Fuođđoeallit lihkadit dávjá Ruošša beallái ja beatnagat čuvvot maŋis. Buot Ruššii mannan beatnagiid ii vealttakeahttá oaččo ruovttoluotta Supmii. Rádjeavádagas luovus lean beatnagiin bivdin lea lobiheapme. Beatnaga biergasiidda gánneha merket čielgasit oamasteaddji oktavuođadieđuid.

Fáhkkes diliin váldde oktavuođa rádjegozáhusaid jođihanguovddážiidda

Jus du eana goittotge gártá rádjeavádahkii, dahje jus dárbbašat beassama avádahkii báhčasis lean fuođđoealli ohcamii ja goddimii, sáhtát bivdit lobi njuolga guovllu rádjegozáhusa jođihanguovddážis. Dákkár dáhpáhusain rádjegozáhus sáhttá mieđihit rádjeavádatlobi dáhpáhusaid mielde vihkkehallama vuođul maiddái njálmmálaččat.

---

Dárkilut rávvagat ja jođihanguovddážiid oktavuođadieđuid gávnnat
Rádjegozáhusa neahttasiidduin. 
Dorvvolaš meahcástanbaji!

---