Oidno ja oainne – ávkkástala áicanivnniid
Stuorrafuođđobivdduin leat áicanivnniin buoridan dorvvolašvuođa. Seammá jurddamálle gánnehivččii heivehit earáge bivdui, dieđusge bivdohámi mielde vihkkehaladettiin.
Ovdamearkan meahccevuoncceslottiid bivddus, mas lihkadit, nuppiid bivdiid sajádat lea dávjá árvádusaid duohken ja dalle vásttolaš bivdi ii duostta báhčit gosage guvlui. Jo áicanivnnát gahpir lasiha gollosa oaidnima čielgasit. Maiddái jeaggeravddas fáktedettiin áicanivnnit oidnojit guhkás, iige giige sihkkarvuođain sehkke fáktejeaddji fuođđoeallái.
Dáid ovdamearkkaid vuođul juohkehaš sihkkarit jo máhttá vihkkehallat dárbbu buoret oidnomii iežas bivdohámiin. Jus leat vehá eahpesihkkar, geavat dakkár gárvvuid mat oidnojit.
Ovddasvástádus báhčimis lea álo báhččis
Gárvvut leat loahpa loahpas nuppi saji vuohki bivddu dorvvolašvuođa lasiheamis. Vuosttas sajis lea bivdi nákca dovdat čuozáhaga. Olbmo čalbmi lea áicannávccaid dáfus ráddjejuvvon ja olbmo vuoigŋašiin lea heajos vuohki hábmet áicandieđu dávistit vuordámušaid. Ovdamearkan guottu, miestagiid dahkan suoivva dahje juobe olmmoš sáhttá bivdodilis sulastahttit čuozáhahkan lean fuođđoealli.
Buoremus gaskaoapmi dán ihtaga dustemii lea geahčadankiikkár. Juohkehaš eahpidahtti čuozáhaga sáhttá dárkkistit johtilis geahčastemiin dorvvolaččat. Bissu kiikkáriin II oaččo várdát, go dalle bissuin siktet dovdameahttun čuozáhaga, kánske olbmo.
Geahčadankiikkár maiddái buorida bivddu bohtosa, go dainna oainnusáicamiid oažžu stuorát viidodagas ja gávdnat meahccái čiehkádan fuođđoealli.
