Ná čuovut ladjohávlaráddjehusa

Gielddus guoská:

mearat (čikŋodat 6 m dahje vuollel), jávrrit, jogat, láddot, kanálat, dahkujávrrit, áldát ja earát sullasaš stuorát čáhceguovllut. Meahccekárttaide sárgáiguin govvejuvvon ádjagat eai leat dákkár čáhceguovllut.

• niittut, mat rádjašuvvet ovdalis máinnašuvvon čáhceguovlluide
• čáhcegeađggit ja čáhcegeađgeguovllut
• eanaiduvvi čáhceguovllut, dulveguovllut, coahkásat ja rabas čáhcehilggohagat
• fasttes muorahis jeakkit
• ja buot 100 duohken ovdalis máinnašuvvon guovlluin lean guovllut (suodjeavádagat).

Ladjohávlapatrovnnaid hálddus doallan 

Go bivdit ovdalis máinnašuvvon lávttasbáikkiin dahje suodjeavádagain. ladjohávlapatrovnnaid mielde fievrrideapmi lea vuolggasajistis gildojuvvon. Spiehkastahkan lea lávttasbáikkiid rasttildeapmi, jus sáhttá čujuhit, ahte ladjohávlapatrovnnain báhčin dáhpáhuvvá juoga eará sajis.

Diliin, mas sáhttet boahtit eahpečielggasvuođat, Tukes rávve guođđit ladjohávlapatrovnnaid ovdamearkan vuodjinfivrui. Dákkár dilli sáhtašii leat vaikkoba iđida hurrebivdu meroštallamis oaivvilduvvon jeakki suodjeavádagas.

Daga ”kártahárjehusa”

Ráddjehusguovlluid válddahallan tearpmat bohtet kártamearkkain. Iežas bivdoguovllu dilli čielgáge álkimusat  go dahká “kártahárjehusa”: Vuos oahpásmuvvat ráddjehusguovlluid oaivvildan kártamerkejumiide ja dasto mannat čađa bivdoguovllu kárttas. Go ráddjehusguovlu gávdno, bidjat muitui dan ja dan birastahttán 100 mehtera suodjeavádaga.

Meahccekárta: https://asiointi.maanmittauslaitos.fi/karttapaikka/

Mearkačilgehus: www.maanmittauslaitos.fi/sites/maanmittauslaitos.fi/files/attachments/2020/01/karttamerkkien_selitys.pdf

Maŋŋelis dán jagi lea maiddái ulbmil almmustahttit kártabálvalusa, mas lávttasbáikeguovlluid ja daid suodjeavádagaid sajádaga sáhttá dárkkistit