Mii lea fuođđoráđđi?
Fuođđodikšunsearvvi jahkečoahkkimis ovdanbuktojuvvon olbmo geaidnu sáhttá doalvut fuođđoráđiide dahje gitta Suoma fuođđoguovddáža stivrii.
”Čuovvovažžan válljet fuođđodikšun-searvvi ovdanbuktima guvllolaš fuođđoráđi lahttun áigodahkii 2024–2027, ovdanbuktimat”, rahpá jahkečoahkkima sátnejođiheaddji áššesaji. Čoahkkinveahka jaskkoda. Duostilamos jearrá ”Gosa?”.
Govvejuvvon dáhpáhus ii vealttekeahttá leat govahallon boahttevašge fuođđodikšunsearvvi jahkečoahkkimiin. Čoahkkimis mearridit evttohasain guvllolaš ja riikkaviidosaš fuođđoráđđái. Jahkečoahkkimis ovdanbuktojuvvon olbmo mátki ovddasteaddjin sáhttá leat guhkesge. Dat sáhttá doalvut stuorraguovllu ovddasteaddjin juoba gitta Suoma fuođđoguovddáža sivrii.
Guovlludási mihttomearit
Guvllolaš fuođđoráđđái gullet guhtta fuođđoguovddášguovllu meahccebivdiid ovddasteaddji, geain okta doaibmá sátnejođiheaddjin. Čanusoassebeliid jiena guvllolaš fuođđoráđiin geavahit eanagoddelihtu, EBI-guovddáža, vuovdeguovddáža ja guvllolaččat mearkkašahtti eananoamasteaddjioassebeali ovddasteaddjit.
Guvllolaš fuođđoráđiid barggut laktásit eanaš oassái guovlludási doaibmamii. Dat oassálastet guovlludásis Suoma fuođđoguovddáža guoskkahan strategalaš plánemii ja fuođđoeallišlájaid, fuođđoeallišládjamáddodagaid ja šlájaid eallinbirrasiid guoskkahan dikšunplánaid válmmaštallan- ja beaivádanbargui.
Gullat čanusjoavkkuid ja ásahit ealgamáddodatmihttomeriid
Buot ealgabivdiid guoskkahan ja juoba dán beaivvi buot mearkkašahttimus oassi guvllolaš fuođđoráđi barggus lea ealgamáddodatmihttomeriid ásaheapmi ealgadoalloguovlluide. Daid ásahan mihttomearit meroštallet jahkásaš vearuhanplánema ja oidnojit loahpas bivdolobiid mearis.
