Mádjihii lasi sadji

Suoma fuođđoguovddáš almmustahtii mádjitmáddodagaid dikšumii plána, man mihttomearrin lea nannet mádjiha eallinnávcca ja bivddu vejolašvuođa Kanádamádjihii prográmma lohpida garrasut eavttuid.

Suoma mádjitnáliid dikšun ja hálddašeapmi lea dássádallan guovtti mádjitšlája gaskkas. Lea evttohuvvon, ahte vierisšládja kanádamádjit sirdojuvvo maiddái EU vahátlaš vierisšlájaid listui, muhto mearrádus áššis ii vel leat.

Guktot mádjitšlájat lasihit luonddu máŋggahámatvuođa hábmemin garrasit eallinbirrasis. Mádjitbáddasat lasihit ealániid šlájaid meari. Dat leat earenoamáš birrasat čáhcelottiide ja ealgaeallit ávkašuvvet nuorra lastamuorain ja šattolaš niittuin mat ihtet láttožiid vuolde.

Eallinsadji mádjihii

Plánii gullet mádjiha dikšunprográmma ja kanádamádjiha leavvanviidodaga hálddašanprográmma. Váldomihttomearrin lea nannet mádjitnáli heivvolaš suodjalandássái ja dan bokte nannet náli eallinnávcca ja bivddu vejolašvuođa. Figgat dása doaibmabidjoevttohusain, mat guoskkahit kanádamádjiha leavvanviidodaga hálddašeami, mádjitnáli dikšuma, dutkama ja náli čuovvuma ja gulahallama.

Jávkadanbivdimat

Ovdanbuktit, ahte kanádamádjihat jávkaduvvojit Oarje-Lappis ja vejolašvuođaid mielde earáge sajiin Lappis. Evttohit, ahte oarjjáslulás Supmii mádjitguovlluid birrasii dahkat dustenavádagaid gos eai leat kanádamádjihat ja ovddidit mádjitnáli leavvama. Mádjitšlájaid dárkkes leavvanviidodagaid lea ulbmilin čielggadit ovdal jávkadanbivdimiid.