Ealgaealliid bivdolobit ohccojuvvojit cuoŋománus
Ovdaválmmaštallamat ortnegii maŋimustá DÁL

Áigeguovdilis ságat sámegillii

Fuođđoguovddáš ávžžuha guođđit ohcamuša buriid áiggiid, go lobi mieđiheami eavttut galget ollašuvvat ohcamuša guođđináiggi nogadettiin. Maŋŋonan ohcamušat eai gieđahallo.

Oma riista -bálvalusa elektrovnnalaš ohcamuš devdojuvvo sierra rávvagiid mielde. Meahcástanlága 8 §:a guovllus ohcamuššii galgá laktit báhccilogahallama ja Meahciráđđehusa guovllulohpeohcamuša. Bivdolobi ohcamii laktásan lobi oažžuma eavttut, fámus lean oppalašráva ja ohcanproseassa leat lohkan láhkai Suoma fuođđoguovddáža (riista.fi) ruovttusiidduin.

Meroštala ja beaivit ohcamušguovllut buriid áiggiid

Searvvi / bivdojoavkku meahcástanguovlluid sáhttá meroštallat ja beaivádit jo ovdal ealgaealliid bivdolobiid ohcandoaimma leahkkaseami. Lassin ohccis lea ohcanáigge cuoŋománus vejolašvuohta vurket ohcamuša gaskandagu ja rievdadit dan ohcamuša maŋimuš guođđináiggi rádjai.

Jus ohccis lea ovdamearkan ovddit jagi bivdolohpemearrádusas dahkkon guovlluid jávkadeamit, iige dilli lea duođašteami mielde nuppástuvvan dáid gažaldatvuloš guovlluid bokte, ohcci galgá ieš dahkat dárbbašlaš jávkademiid ja nuppástusaid go beaiváda guovllu Oma riista -bálvalusas ovdal ođđa ohcamuša guođđima.

Muitte lasihit ja beaivádit stáhtaeatnamiid ohcamuššii

Ealgaealliid meahcásteami guovllulobi, dahjege meahcástanvuoigatvuođa stáhta eatnamiidda, lea galgan ohcat Meahciráđđehusas jo ođđajagimánus 2021. Ohcci galgá beaivádit Meahciráđđehusa mieđihan guovlluid Oma riista -bálvalusas ovdal bivdolobiid ohcama. Muittáthan maiddái dárkkistit vejolaččat Meahciráđđehusa mieđihan stáhta sierraguovlluid ja beaivádit daid mielde bivdolohpeohcamii rávvagiid mielde.

Gánneha leat fuolalaš

Suoma fuođđoguovddáš galgá ohcamušaid gieđahaladettiin ráddjet eret dakkár guovlluid, mat eai leat deavdán meahcástanlágas mearriduvvon viidodagaid ja oktilašvuođa gáibádusaid (MetsL 27 §). Lassin meahcástanásahusa vuođul ohcciin sáhttá gáibidit čielggadusa bivdolohpeohcamušas oaivvilduvvon guovlluid meahcástanvuoigatvuođas (MA 6 §.) Maiddái báhččilogahallanskovi dieđut dárkkistuvvojit meahcástanlága 8 §:s oaivvilduvvon guvlui ozadettiin.

Bivdolohpeguorahallamis ja bivdolobiid ávkkástallanguovllus galgá ee. ráddjet eret guovlluid, maidda ohcci ii leat dahkkojuvvon čielggadusaid vuođul bastán čájehit meahcástanvuoigatvuođa dahje mat leat riidduid vuolde.

Rávvagiid galgáge lohkat dárkilit, sihke ohcamuša ja kárttaid merket, deavdit ja dahkat fuolalaččat. Ná sáhttá garvit badjelmearálaš barggu ohccái ja ohcamuša gieđahalliide. Dárkkis maiddái ohcamušguovllu oktilašvuođa ja rievtti bivdit ohcamuša ealgaealliid du ohcan guovllus olles meahcástanbaji bistima áigge. Eahpečielga dahje muđuid dievasmahttima gáibidan ohcamušaid bokte ohcciide sáddejuvvo álo čielggadanbivdda, mas bivdit dárkilut čielggadusa dievasmahttima gáibidan ohcamušáššečuoggáide.

Lobiohcci mearrida iehčanasat su ohcan lohpemeari

Bivdolobiid ohcan meahcástanservviin ja -joavkkuin gánneha oahpásmuvvat guvllolaš nálleárvvoštallamiidda ja Oma riista -bálvalusas almmustahtton ealgaeallisállaša ja áicamiid guoskevaš raporttaide. Boahttevaš meahcástandárbbu plánemii báikkálašdásisge lea dehálaš guorahallat fuođđodikšunservviid ja ealgadoalloguovllu ealgaeallidili.