Davvi stuorraspireáicamat vurkejuvvojit
Jus áiccat boazodoalloguovllus stuorraspirebeassádaga, leat lihkostuvvan hárvenaš áicamis. Dan dihtii gánneha ávkkástallat dan.
Davvi-Suoma boazodoalloguovllus stuorraspiriid nálleárvvoštallamiid vuođđun leat eanaš beassádatáicamat. Áicamiid dahkan lea hástaleaddji ja gáibida hárveásson guovlluin buorre lihkuge, ja dan dihtii dat čoggojit viehka unnán.
Beassádatáicamiid hárvenašvuođa dihtii luottaid, mat leat čielga ja mihtideamis, ohcamii gánneha vehá rahčat. Spireoktavuođaolbmo gánneha fitnat dárkkisteamen riikkavuloža dahkan vejolaš beassádatáicama, vaikke čuozáhat livččii guhkkeleapposge.
Sihkkaraston áican vurkejuvvo Tassu-vuogádahkii, mas dat lea dutkiid anus nálleárvvoštallama dahkamii ja váikkuha ovdamearkan fuođđohálddahusa meroštallan meahcástandihtomeari sturrodahkii boazodoalloguovllus.
Guovža ja albbas
Guovžžas ja albasis dahket boazodoalloguovllus dušše moaddelogi beassádatáicama jagis. Geavatlaččat dát oaivvilda, ahte spireoktavuođaolbmos sáhttet gollat máŋggat jagit almmá ovttage beassádatáicama.
Buoremus dási beassádatáican lea mihtiduvvon luoddaáican njiŋŋálasas ja dan maŋisboahttis. Guovžža dáfus áicamat leat mannan jagiin boahtán eanaš nuortarájá lahkasiin Suomussalmi, Guossáma ja Salla guovllus. Eará sajiin áicamat čoggojit unnán.
Albasa dáfus buoremusat áicamat leat boahtán olles boazodoalloguovllu máttarájá guovllus. Áicamiin livččii sadji šaddat beaktileabbon ovdalis máinnašuvvon guovlluin go daid olggobealdege.
Gumpe ja geatki
Boazodoalloguovllus deaivat jeavddalaččat gumppiid, maid mearri lassána. Dan bokte lea eandalii dehálaš oažžut buot eanet go ovtta gumppe áicamiid. Guovtti gumppe áican sáhttá geažidit gumpepárrii ja dan eanet fas gumpevalvái.
Gumppe dihtton lea eanaš nuortarájá lahkasiin máddin Hyrynsalmis gitta Anárii ja boazodoalloguovllu nuortarájá guovllus. Nuorra gumppiid garra vádjoleami duhtii gumpeáicamiid sáhttá goittotge dahkat gos beare boazodoalloguovllus.
Geatki nálleárvvoštallama sáhttá buoremusat doarjut go oassálasttát du meahcástansearvvi dálveáigge fuođđogolbmačiegarehkenastimii. Geatkenáli árvvoštallan namalassii lea rehkenastinlinnjá rasttildan geatkkeluottaid mearis.
Geatkki deháleamos dihttonguovllut leat áibbas davvi duottarguovlluin ja vuovdegeatkkit dihttojit olles nuortarájá guovllus.
Almmut áicamis spireoktavuođaolbmui
Du guovllu fuođđodiškunsearvvi spireoktavuođaolbmuid oktavuođadieđut gávdnojit riista.fi-siidduid oktavuođadiehtoohcamis.