Čáhcelottiid veaigebivddu leat evttohan gildojuvvot
Julkaistu30.6.2023Eana- ja meahccedoalloministeriija ásahus lea dál cealkámušain. Jus evttohus ii cealkámušjorrosa vuođul rievdda, lea čáhcelottiid bivdu boahttevuođas lobálaš dušše beaivečuovgga áigge.
Evttohusa mielde lobálaš bivdu livččii čadnojuvvon beaivváža badjáneapmái ja luoitimii, nu ahte bivddu lea lobálaš álggahit diimmu ovdal beaivebadjáneami ja dan galgá heaitit diimmu beaiveluoitima maŋŋá.
Dárkkis fápmuiboahtima!
Ásahusa vejolaš fápmuiboahtin lea álkimus dárkkistit riista.fi-siidduid meahcástanáiggiin.
Fápmui boađedettiin ásahus guoskkašii meahcástanjagiid 2023-2026.
Beaivváža badjáneapmi ja luoitin
Meahcástanguovllut beaivváža badjáneami ja luoitima áiggiid gávnnat Dálkedieđalágádusa báikegottálaš dálkedieđuin:
www.ilmatieteenlaitos.fi/saa.
Sáhtát maiddái luđet heivehusgávppis iežat telefovdnii Ilmatieteen laitos sää –heivehusa.
Oassin nuonddahallama doarjumis
Máŋggat čáhceloddešlájat sulastahttet nubbi nuppi ráhkadusa ja sturrodaga dáfus, ja luonddus heajos čuovggas daid earuheapmi lea váttis maiddái vásihan bivdái. Šlájaid earuheami hástalus lea fuomášuvvon máŋggain riikkain, main veaigebivddu leat jo ráddjen.
Eana- ja meahccedoalloministeriija mihttomearrin lea dáinna ásahusain bealistis sihkkarastit, ahte čáhceloddešlájat eai áitojuvvo.
DÁRKKIS veaigebivddu, giehpavuoncá, vuoktagoalssi sihke čuotnjága ja ránesčuotnjága ráfáidahttindili ovdal bivddu!
BÁKKOLAŠ SÁLAŠALMMUHUS
Báhčin → Deaivan → girjen Oma riistai
Ruoigu, vildaspiidni, hiller, čuonjá, ránesčuonjá, snárttal, vuojaš, suoidnečiksa, spoađđoduoršu, vuoktafiehta, hávda, haŋŋá, gussagoalsi ja giehpavuonccis. Dáin šlájain galgá dahkat sálašalmmuhusa Suoma fuođđoguovddážii. Lassin geatnegasvuohta guoská ruksesfiehtaga ja vuoktagoalssi, mat leat mearreáigásaš bivdogildosis.
Daga sálašalmmuhusa seammás lihkostuvvan meahcástandáhpáhusa maŋŋá. Láhka geatnegahttá almmuhusa maŋimustá 7 jándora siste.
Dárbbašlaš dieđut:
- sállaša oažžuma beaivemearri ja gielda
- sálašealliid šládja ja mearri
- bivdi namma ja meahcásteaddjinummir
- ruoiggu ja vildaspiinni bokte almmuhusa mielde sohkabealli ja árvvoštallan agis
- vildaspiinni bivdosaji koordináhtat.
Sálašalmmuhusa lea álkimus dahkat Oma riista -bálvalusas. Almmuhusa sáhttá dahkat maiddái Suoma fuođđoguovddáža skoviin báberveršuvdnan.
Bákkolaš sálašalmmuhusain dárkkálmahttit dieđu hárvelogu ja nuonddahalli šlájaid sálašmeriin, maid dárbbašat bivddu suvdilvuođa árvvoštallamii. Fuođđodiehtu lea suvdilis bivddu gáibádus, ja dorvvasta bivddu joatkevašvuođa.
