Áigeguovdilis ságat sámegillii

BOVDEHUS
fuođđodikšunsearvvát jahkečoahkkimii

Jahkečoahkkimis gieđahallat fuođđodikšunservviid bargoortnega 3 §:a čuvvon áššiid. Čoahkkimiin válljejit ee. Stivrra lahtuid earrovurrolaš lahtuid sadjái.

Julkaistu20.1.2020

Meahcástan- ja fuođđoáššiid dikšumii oassálastin álgá go oassálastá iežas fuođđodikšunsearvvi doibmii ja dan jahkečoahkkimii. Fuođđodikšunmávssu máksán olmmoš sáhttá gullat lahttun dan fuođđodikšunsearvái, man doaibmaguovllus son eanaš bivdá dahje dan fuođđodikšunsearvái, man doaibmaguvlui gullevaš gielddas sus lea ruovttugielda. Olmmoš ii sáhte seammás leat máŋgga fuođđodikšunsearvvi lahttu. Lahttuvuohta lea merkejuvvon meahcásteaddjikortii ja bistá meahcástanjagi háválassii iige dan sáhte molsut gaskan meahcástanjagi fuođđodikšunmávssu máksima maŋŋá. Jus olmmoš ii gula fuođđodikšunsearvái, son lea merkejuvvon meahcásteaddjiregistarii ruovttugielddas vuođul, muhto son ii sáhte oassálastit fuođđodikšunsearvvi čoahkkimii. Čoahkkimii oassálastán olbmot galget lahttuvuođa duođašteapmin váldit mielde fámus lean meahcástankoartta, dahje njuolggobearrankoartta, báŋkku máksinsteampiliin merkejuvvon kontuibidjankoartta dahje kontuibidjankoartta ja máksinduođaštusa fuođđodikšunmávssu máksimis. Álkimus vuohki lahttuvuođa čujuheapmái lea Oma riistas lean mobiila meahcástankoarta. Muitte, ahte fuođđodikšunsearvvi jahkečoahkkimii oassálastán olmmoš lea ieš geatnegas čujuhit lahttuvuođas.

Váldegirji

Fuođđodikšunsearvvi jahkečoahkkimis juohkehaš 18 jagi deavdán olbmos lea okta jietna. Vuollel 18-jahkásaš lahtuin leat hállan- ja čuovvunriekti čoahkkimiin. Unnimustá 18 jagi deavdán olmmoš sáhttá fápmudahttit nuppi olbmo ovddastit iežas jahkečoahkkimis. Giige ii sáhte goittotge ovddastit eanet go vihtta eret lean lahtu. Fápmudusa várás galgá leat mielčuvvon váldegirji. Váldegirjjis ii vealttakeahttá dárbbaš duođašteaddjiid. Fápmudusa addán galgá addit fápmudahtton olbmui iežas meahcástankoarttas ja om. vugiin čujuhusa fuođđodikšunmávssu máksimis dahje kopiija/kopiijat mielde čoahkkimii. Oma riista -bálvalusas čálihuvvon meahcástankoarta dahje mobiillas šearbmagovva dohkkejit maiddái. Muhtumin leamašan eahpečielggas das, sáhttetgo meahcástansearvvit fápmudit lahtuideaset ovddastit searvvi fuođđodikšunsearvvi čoahkkimis. Njuolggadusaid mielde lahttu ii sáhte ovddastit meahcástansearvvi, muhto juohkehaš lahttu ovddasta dušše iežas ja sáhttá ovddastit eanemustá vihtta eret lean seammá fuođđodikšunsearvvi lahttu dain ožžojuvvon girjjálaš fápmudusaiguin.

Váldegirji

Muitte váldit máksojuvvon meahcástankoarttat mielde čoahkkimiidda!

Lisää samasta aiheesta

Áigeguovdilis ságat sámegillii

Oma riista atnui maiddái vuolle­ahkásaš meahcásteaddjiide

9.9.2020
Áigeguovdilis ságat sámegillii

Kiikkárat ja suorsáčivggat

16.7.2020