Bivdu dagai saji njállii
Njálat lihkostuvve besset Eanodaga duoddariin, vuosttas geardde Suomas badjel 25 jahkái. Riebanbivddus ja lassebiebmamis lea oassi dán lihkostuvvamis.
Njálla dihtto davvi náhpeguovlluin, muhto Davvi-Suomas dat lea hui hárvenaš oainnus. Guhkesáigásaš suodjalanbarggu boađusin ovtta bessenbidjui šadde dán jagi golbma njállačivgga.
Meahciráđđehus alladárkkisteaddji Tuomo Ollila lea vástidan njálaid suodjaleamis jo 20 jagi. Jagi 2021 vuosttas Meahcásteaddji-bláđis Ollila árvalii, ahte bessen lihkostuvašii Suomas moatti jagi siste.
Bargu lea buktán bohtosiid. Go ožžon dieđu áššis, de gal iđitkáffe lei njálgasut go guhkes áigái, son gávnnaha vuollegaččat.
Njálaid lihkademiin oažžut dieđu besiin čoggojuvvon DNA-čájánasaiguin.
Ránnjáriikkas njállanálli nanosmuvvan
Bessen lea eandalii čuovvumuš njállanáli nanosmuvvamis Ruoŧas ja Norggas, gos njálat vádjolit Supmii. Norgalaččat leat maŋimuš jagiid luoitán gárddiin šaddan njálaid lundui. Davviriikkaid njállanálli lea sulaid 450 ealli.
Mearkkašupmi lea maiddái lassebiebmamis ja riebanbivddus, maiguin doarjut šlája dihttoma Suomas. Rieban lea njálaide váttis vuostálasti. Dat borrá seammá biebmočuozáhagaid, ávkkástallá seammá bessensajiid ja sáhttá juobe goddit njála. Vuogádatlaš riebanbivdu leage buot krihtalaččamus njála suodjaleamis.
Dábálaččat riebana bivddu beavttálmahttimis eará sajiinge go dušše duottarguovllus váikkuha olu. Dat geahpeda duoddarii manni riebaniid, Ollila dadjá.
Ollila jáhkká, ahte Suoma njállanálli boahtá stuorrut lagaš boahttevuođas.
Guldal Sorkkia ja sarvia -podcastta ráiddu njálas:
https://metsastajalehti.fi/kategoria/sorkkia-ja-sarvia/
Loga riebanbivddus duoddaris: https://metsastajalehti.fi/samegillii/meahcasteaddji-njala-dorvun/
