Oma riista atnui maiddái vuolle­ahkásaš meahcásteaddjiide

Meahcásteaddjái lea álkimus dikšut sálašalmmuhusa Oma riista bokte: lea doarvái, ahte merke sállašis persovnnalaš fuođđolokii. Dán maŋŋá bálvalus dahká dárbbašettiin automáhtalaččat lágasásahuvvon sálašalmmuhusa. Meahcásteaddjinummiriin sállaša sáhtte merket Oma riistai maiddái nubbi geavaheaddji.

Identifiseremii neahttabáŋkodovddaldagat dahje mobiilasihkkarastin

Bálvalussii registreremii dárbbaša persovnnalaš šleađgapoastačujuhusa ja mátketelefonnummira sihke identifiserema várás suopmelaš neahttabáŋkodovddaldagaid dahje mobiilasihkkarastima.

Identifiserema várás buot suopmelaš báŋkkut mieđihit neahttabáŋkodovddaldagaid 15-jagi deavdán nuoraide ja oassi báŋkkuin juobe almmá ahkerájá. Ášši gánneha diđoštallat vuos iežas báŋkkus.

Vuosttas báŋkodovddaldagaid oažžumii gáibidit vánhemiid miehtama ja persovnnalaš galledeami báŋkku bálvalanbáikkis. Vuolleahkásačča personvuohta gávnnahuvvo bolesa mieđihan personduođaštusain, dego pássain dahje personkoarttain. Neahttabáŋkodovddaldagaiguin nuorra sáhttá ieš identifiseret maiddái máŋggaid earáid virgeoapmahaččaid neahttabálvalusas.

Mobiilasihkkarastima sáhttá skáhppot, jus telefonsoahpamuš lea vánhema namas, muhto soahpamuša hálddašeaddjin lea máinnašuvvon 15 jagi deavdán vuolleahkásaš.

Oma riista -mobiilaheivehusa sáhttá luđet ođđaseamos Android- ja IOS-fihttotelefovnnaide. Luđemiin Oma riista -mobiilaheivehusa oažžu atnui elektrovnnalaš meahcástankoartta, mii lea buot diliin ovtta doallevaš go báberhámi koarta.

Loga lasi Oma riista -bálvalusas
https://riista.fi/riistahallinto/sahkoinen-asiointi

Oma riista -rávven veahkeha váttisvuođain

Telefon 029 431 2111 (árgan dmu 12–16)

Šleađgapoasta oma@riista.fi