Miŋkanáli galgá muddet/bagadit
Miŋka smávva sturrodagas fuolatkeahttá lea váralaš boraspire lottečivggaide ja daid etniide. Dat lea stáhtusis bealis vahátlaš vierisšládja, mii ii gula Suoma lundui. Miŋkka meahcásteami álggaheapmi ii gáibit olu, muhto ávki man das oažžu lea mearkkašahtti.
Ruovdebivdin lea álkes ja beaktilis vuohki geahpedit miŋkkaid, maid oažžut Suomas jahkásaččat sálašin sullii 40 000 – 50 000. Bivdin lihkostuvvá álkit ovdamearkka dihtii iežas bartta gáttis dahje lagaš ádjaga luhtte. Ruvddiid gánneha bidjat báikái, gos daid dárkkisteapmi lea njuovžilis ja gos lihkada muđuige dávjá. Ieš bijan ruvddiid čakčat iežan bivdojoavkku guvlui. Dego visot earáge meahcásteapmái, maiddái miŋkkaid bivdimii dárbbaša eananoamasteaddji lobi.
Ii rakeahttadieđa
Dalánaga goddán ruovddit leat eallin bivdán rihtáid buoret gaskoapmi deivvolaš bivdui. Ruvddiid galgá doallat suodjeskuohpus, vai earát luonddu eallit dahje biebmoeallit eai beasa guoskat daidda. Gárvves ruovdeskuohppopáhkka máksá moaddelogi euro, iige dan bivdimii gealdin leat rakeahttadieđa. Skuohpu sáhttá ráhkadit maiddái ieš váikko badjel báhcan fielluin ja fáneras. Lean ieš geavahan ruvddiid gealdimii gealdinbasttaid, goas daid geavaheamis lea boahtán vel dorvvolut.
Ráhkadin mannán jagi guokte ruovdeskuohpu neahtas gávdnan rávvagiid mielde ja dat doibme bures. Gelden čakčat nuppi rihtáin joga gáddái ja bidjen seaktin šuđi dávttiid. Ieš guoli borren ieš ja čielgasit dat livččii borahan maiddái miŋkii, dasgo čuovvovaš vahkuloahpa dat lei juo mannan ruvddiide. Loahpa loahpas sirden rihtá muohttaga ovddas muorravisti báldii. Nuppi miŋkka hádja hohkahalai maiddái bartta birrasis orru miŋkka ruvddiide, vaikko ii lean šat varas seakti. Miŋkka hádja leage buoremus seakti birra jagi.
Buorre oamedovdduin giđđaloddemii
Miŋkka sáhttá bivdit almmá fuola unnimustá ovcci mánotbaji jagis. Bessenáigge miesse-geassemánus meahcásteami lea sivva ráfáiduhttit, muhto juo suoidnemánus čivggat leat okto. Suoidnemánu beallemuttu sulaid bivdin lihkostuvvá juo állohallanfiellorihtáin ja borgemánu álggus ruvddiiguin. Ovdamearkka dihtii geassit ráfáiduhtton neahti sáhttá luoitit állohallanfiellorihtás friddjavuhtii. Ruovdeskuohpu ja ruvddiid gánneha háhkat juo geasi álggus, vai dat leat gárvvisin bivdimii geasi loahpabealde.
Ruovdebivdimii dárbbašlaš gaskoamit girdet geavaheami jahkeviissaid uhcánaš fuolahusain, nuba háválaš investeren ii boađe divrrasin guhkit áigegaskkas. Juohkehaš sálašin boahtán miŋka ovddida luonddu máŋggahámatvuođa ja lottiid bessenvejolašvuođaid. Loddemeahcásteaddjit sáhttet meahcástit lottiid buoret oamedovdduin, go leat dahkan luonddudikšunbarggu miŋkkaid geahpedeapmin.
