Áigeguovdilis ságat sámegillii

Meahccevuoncceslottiin manná viehka bures – guvllolaš molsašuddamat olu

Tekstiteaksta Andreas Lindén ja Katja Ikonen, Luondduriggodatguovddáš
Julkaistu9.9.2020
Meahccevuoncceslottiid dávjodat (ovtt. / meahcceeana km2) ja čivgaossodat (%) suoidne–borgemánus (dilli 10.8.2020). Valljivuođa nuppástus ovddit jagis almmuhuvvon plus- ja minusmearkkain:
± nuppástus < 15 %
+ ja – nuppástus 15─30 %
++ ja – – nuppástus > 30 %
Rievssahis ovdanbuktojuvvojit dieđut dušše Davvi-Supmii, gos materiála lea doarvái.

Dán jagi mátti ja davvi gaskkas ledje čielga earut vuoncceslottiid bessendiliin. Davvi-Suomas muohta lei eatnamis guhkás geassái ja dát bovttige olu jearaldagaid, ahte moson vuoncceslottit birgejedje.

Čukčá ja hurri

Čuvččás ja hurris manná oppalaččat bures stuorámus oasis riikka. Vaikke dávjodagat leat máŋgga sajis unnon jahkeduháha molsašumis, nálli lea dál ealaskas ja oalle stáđis. Geasi 2020 rehkenastimiin dávjodagat ledje eanaš bisson seammá dásis go diibmá, dahje báikkuid vehá lassánan. Lappis ja Oulu guovllus hurri ja čuvččá dávjodagat leat buoret go dábálaččat.

Bakku ja rievssat

Vára vuollái klassifiserejuvvon baggos dávjodagat leat máŋgga guovllus lassánan 2-4 jagi maŋŋálaga, nállemolsašuddama bárrovuođu maŋŋá. Maiddái vára vuollái klassifiserejuvvon rievssahis, guhkes áigegaskka nálleovdáneapmi lea garrasit maŋos mannan oppa riikkas. Fuođđogolbmačiegarehkenastimiid mielde rievssahisge leaa maŋimuš jagiid áicamis náli ealáskeapmi. Meahcce-Lappis ja Kainuu-Oulu guovllus dávjodatárvu bisui mannan jagi ektui seammá dásis dahje lea vehá lassánan.

Stuorra giitosat rehkenastimii ­oassálastán olbmuide!

Loahppagease fuođđogolbmačiegarehkenastimiin meahcásteaddjit leat rehkenastán meahccevuoncceslottiid golmma olbmo rabasráidduin. Oppa Suomas rehkenaste dán jagi 9.8.2020 rádjai 895 fuođđogolbmačiega. Dát lea duođaid fiinna ja giittehahtti olahus.

Meahccevuoncceslottiid jahkásaš meahcástanáiggit ásahuvvojit fuođđogolbmačiegaid varas bohtosiid vuođul. Lassin rehkenastinmateriálat ávkkástallojuvvojit meahccevuoncceslottiid dávjodagaid, čivgabuvttadeami ja nállenuppástusa árvvoštallamis, earret eará čuovvun- ja dutkandárkkuhusas.

Lisää samasta aiheesta

Áigeguovdilis ságat sámegillii

Oma riista atnui maiddái vuolle­ahkásaš meahcásteaddjiide

9.9.2020
Áigeguovdilis ságat sámegillii

Kiikkárat ja suorsáčivggat

16.7.2020