Meahccevuoncceslottiid nálit ovddit jagi dásis – rievssahis olahusjahki Davvi-Sámis

Čivgabuvttadeapmi leamašan buot šlájain gaskadásis, man duohken leat geasi dilit. Čivgabuvttadeapmi lihkostuvvá buoremusat liegga álgogease, go čivggat dárbbašit divrebiepmu. Dán jagi álgogeassi lei galmmas eanaš oasis riikka ja muhtun sajiid ledje idjabuollašat. Geassemánu beallemuttu maŋŋá lei lieggasut, juobe báhkkasat.

Čukčá

Ovddit jagi ektui nálledávjodagat leat sturron mášolaččat Lappis, Gaska-Suomas sihke Uusimaas ja Aitosaš-Suomas.

Lappis, Davvi-Gárjilis ja Mátta-Hämes rávesnáli dávjodat lea ain guhkesáiggi gaskaárvvu bajábealde.

Hurri

Oppalaš- ja rávesnálit leat lassánan Lappis, Satakuntas ja Uusimaas. Nálledávjodagat leat Lappis, Davvi-Gárjilis ja Davvi-Savos ain čielgasit gaskaárvvu bajábealde. Lappis čivgaoassi lea stuorát go gaskaárvu.

Bakku

Dávjodagat leat sturron čielgasit ovddit jagis Lappis ja Mátta-Hämes. Mášolut lassáneapmi lea áicamis Mátta-Savos, Mátta-Gárjilis, Kymeenlaaksos ja Aitosaš-Suomas.

Rievssat

Rievssahis vuovdeeatnamiid Suoma oppalašnálli lea seammá loguin go mannan jagi. Rávesnálli lea vehá njiedjan. Kainuus ja Vuovde-Lappis nálli lea vehá sturron ovddit jagis. Máddelis daid guovlluin, main rievssat vel dihtto, mihtolat orru joatkašuvvamin ain. Čivgaoasis ja beassádatsturrodagas eai leat earut báikkálaš gaskaárvvuideaset ektui.

Kainuus, Davvebađaeatnamis ja Vuovde-Lappis rievssaha nálledávjodagat leat muhtun veardde báikkálaš guhkesáigásašgaskaárvvuid vuolábealde.

Davvi-Sámi duoddariin rievssatnálli molsašuddá iežas távtta mielde ja dan čuvvot sierra rehkenastimiin, main leat vuonccesbeatnagat veahkkin. Dán gease rievssahis lea Davvi-Sámis valljái alimusjahki.