Meahcásteaddjidutkosat digitálan

Digitála dutkkusvuogádat váldui atnui 1.8. Vuostáiváldin leamašan buorre ja eandalii dutkosa digitálan čađahan geahččaleaddjiid máhcahat leamašan giittehahtti.

Fuođđodikšunservviin (fds) vuogádaga atnuiváldin lea láidesteami maŋŋá lihkostuvvan almmá váttisvuođaid haga. Dat leamašan anus badjel 500 dutkkusdilálašvuođas ja jo čakčamánus badjel 60 proseantta dutkosiin čađahuvvui geahččaleaddji iežas rusttegiin.

Seammás fuođđodikšunservviid bargonoađđi lea geahppánan, go geahčča-leaddjit almmuhit ovddalgihtii, duođaštit identitehtas elektrovnnalaččat ja sin dohkkehuvvon čađaheamit sirdašuvvet Meahcásteaddjiregistarii automáhtalaččat.

Jahkemolsašupmi boahtá – leatgo gárvvis?

Maŋimustá dál fuođđodikšunservviin lea áigi váldit ođastusaid háldosis, go jahke-molsašumi maŋŋá leat boahtimin lasi nuppástusat.

Dutkkusvuogádat dievasmahtto ain buorebun, go luohpat árbevirolaš ABC-jearaldatskovis, dutkkusdilálašvuođaide gáibiduvvo ovdaalmmuheapmi ja dutkosa čađaheami giellafállu viidu. Sáhka lea mearkkašahtti nuppástusain, maiguin lea jurdda joatkit guhkás boahttevuhtii.

Vuorbáduvvon jearaldatráiddut

Dálá šládjaearuhangihppagat seilot anus, muhto árbevirolaš ABC-jearahallanskoviin luohpat.

Dutkkusvuogádahkii lea dahkkojuvvon sulaid 500 jearaldaga báŋku, mas ráidu genererejuvvo soaittáhagas juohke dutkkusdilálašvuhtii. Individuála jearaldatráidduid dihtii dutkkusdilálašvuođain eai leat jagi molsašumi manná dárkilit seammá jearaldagat.

Jearaldagaid kopieren, šearpma vurken dahje eará dutkkusjearaldagaid “suođđan”
šaddá ná mearkkašmeahttumin ja bear-ráigeahču dárbu geahppána dakko bokte.

Báhpárii vástideami vejolašvuohta seailu, ja dan sáhttá geavahit várrevuogádahkan, jus leat váttisvuođat ovdamearkan neahttaoktavuođain. Dárbbašlaš čálihanvejolašvuođaide gánnehage fuođđogáhttenservviin ráhkkanit jo dál.

Bákkolaš almmuheapmi bálvala fuođđogáhttenservviid

Dutkosii áigon olmmoš almmuha dutkosii ovddalgihtii. Dat lihkostuvvá Oma riista -dovddaldagaiguin dahje daid haga. Almmuheapmi lea dahkkon álkidin.

Dutkkusgeahččaleaddjiid dieđuid gieđahallan šaddá jođáneabbon, go son addá buot dárbbašlaš dieđuid almmuhettiin. Vuostáiváldi doaibman báhcá dárkkistit dieđuid ja válljet máksinvuogi.

Fgs oažžu ovddalgihtii dieđu elek-trovnna-laččat ja báhpáriin čađaheaddjiid mearis, mii veahkeha ráhkkanit jearaldatskoviid dárbbašlaš čálihanmeriin.

Suoma-, ruoŧa-, eŋgelas-, ja sámegiella

Dutkkusvuogádaga giellafállu viidu boahttevuođas gokčat buot anus lean gielaid, nuba dutkosa sáhttá čađahit suoma- ja ruoŧagiela lassin eŋgelasgillii ja golmmain sierra sámegielain, beroškeahttá čađahanvuogis.