Makkáraš vuovddis eanalottit loktet?
Ovttastemiin Vuovdeguovddáža laserinventerenmateriála fuođđogolmmačiegahasmihtidanmateriálii, dutkit sáhtte erohallat vuvddiid deháleamos iešvuođaid, mat váikkuhit eanalottiid eallinbirrasa válljemii.
Bohtosat govvidit loahppageasi dili, dasgo materiála lea čoggojuvvon golmmačiegahasmihtidemiid oktavuođas.
Hurri ja bakku liikojit earenoamážit nuorra seahkevuvddiin, main lea suohkadis miesttageardi ja sierra ahkásaš muorat.
Jáhkehahttivuođa dása ahte hurri ja rievssat gávdnojit guovllus lasihit suohkadis miesttageardi ja muoraid vuollegaš saddjáivuohta, mii lea dábálaš jeaggeguovlluin gos leat unnán biebmoávdnasat ja gos rievssahat loktet.
Beahceloddi ja bakku fas liikojit vuvddiin main lea alla gieragokčevašvuohta, stuorra guosat ja suohkadis vuvddiid maid beahci hálddaša.
Máŋggamihttolávalaš mállenvuohki
Geavahuvvon máŋggamihttolávalaš lahkonanvuohki váldá vuhtii vuovdegovadaga ja viidásut duovddadási iešvuođaid, dego muoraid agi, allodaga ja šumppasvuođa, ollislašviidodaga ja ruŋkudávjodaga. Duovddadásis vuhtiiváldojuvvo lassin muorrašlájaid máŋggahámatvuohta.
Eanalottiid vuhtiiváldán vuovdedikšun
Dat, ahte ovttaskas vuovdegovadaga struktuvra lea deháleamos dahkki mii čilge eanalottiid dihttoma, addá vuovdeoamasteaddjiide buorre eavttuid ollašuhttit fuođđovuovdedikšuma.
Eanalottiid eallinbirrasa sáhttá buoridit ovdamearkka dihtii bajásdoallamiin vuovddi sierraahkásašvuođa, dan ahte vuovddis leat gearddit, suohkadis miesttageardi, fuođđorođut ja guođđimin stuorra goahccemuoraid. Árat dutkamušain diehtit, ahte dat buoridit bessenmenestumi ja fállet biebmu beassádagaide.
Go dikšut dárbbašahtti stuorra joavkku ovttaskas vuovdegovadagaid, šaddá vuovdeduovdda, mii sisttisdoallá eallinbirrasiid eanalottiide buot jagiáiggiid dárbbuide.
