Lottiid beassádatáicamat Oma riistai

Loahppageassi lea buorre áigi čuovvut lottiid buđaldeami, go čivggat leat vuolgán besiin. Áicamiid girjen fuođđolottiin ja lottiin mat eai leat ráfáiduhtton – earenoamážit daid beassádagain – Oma riistai lea álki ja das lea ávki: Vállje dušše šlája, heivvolaš áicantiippa (ovdamearkka dihtii beassádat), oktagasaid meari ja dasto vurke.

Oma riistas lottiid bessemii čujuheaddji áicamat sirdojuvvojit čavčča áigge Suoma 4. loddeátlasa (lintuatlas.fi) materiálii. Áicamiid dárkkes sajádatdieđut dahje olbmo persovdnadieđut gii daid áicá eai sirdojuvvo eaige dat oidno almmolaš oidnosiin.

Mearreáiggiin kártejuvvon loddeátlasa ulbmilin lea čielggadit Suoma bessenlottiid leavvanviidodaga ja das dáhpáhuvvan nuppástusaid. Dieđut adnojuvvojit ávkin máŋggain vugiin, earret eará meahccebivddu suvdilisvuođa sihkkarastimii.

Dán muttus buot eanemus beroštahtti áicamat sáhttet leat justa du áicamat!

Sáhtát dárkkástallat kártema dili loddeátlasa boađusbálvalusas (tulokset.lintuatlas.fi). Bálvalusas gávdnon bargoneavvuid vehkiin sáhtát čielggadit, man šlája áicamat justa du ruovttu, bartta dahje vázzinbálgá mehciin vel gáibiduvvo.

Meahccekártta ja áibmogovaid vehkiin sáhtát čuozihit áicama daid šlájaid vejolaš bessenbirrasiidda, mat leat báhcán áiccakeahttá. Juohkehaš áican lea dehálaš!

Loga lasi: lintuatlas.fi