Oahpásmuvvamin šlájaid guovdu áicamiidda, meahccekárttaide, áibmogovaide ja áššedovdiid reaisoávžžuhemiide sáhttá válljet áicama várás báikkiid, main lea jáhkehahtti gávdnat  áiccakeahtes šlájaid bessemiid.

Golmma kártenjagi maŋŋá stuorimus gávpogiid lottit leat jo viehka bures kártejuvvon. Máŋgga fuođđošlája áicankárttas leat goittotge vel váilevašvuođat. Ollislaš dillegovva lea dehálaš meahccebivddu sihkkarastimii. Meahccebivddu lea álkit ákkastallat, jos diehtit ahte šládja besse guovllus.

Kvalitehta ovdal meari

Dán geasi loddeátlasáicamis gánneha bidjat deattu plánemii ja čuozihuvvon áhkkoratreaissuide. Daid lea buorre čuozihit báikkiide, main lea jáhkehahtti dahkat áicamiid mat buktet átlasii lasseárvvu. Dákkáraččat leat áicamat šlájain, mat eai leat vel átlasruvttos áicojuvvon dahje áicamat, mat loktejit jo áicojuvvon šlája bessenjáhkehahttivuođa ruvttos, dego beassádatáican. 

Áicama gánneha čuozihit guhtege šlája bessenbirrasiidda, árraiđidii, goas beassádagat leat buot eanemus aktiivvalaččat. 

Báikkit maid gánneha dárkkistit leat buot šattolaš čázádagat, huksejuvvon ja lunddolaččat šaddan njeaššit, luondduláddot ja viidásit gáttit, main leat luktit ja jávrehoaššat. Jos guovllus ellet silke- dahje čáhppesbuovččát maid lea álki áicat, lea eanet jáhkehahtti ahte doppe leat maiddái fuođđočáhcelottit mat lávejit čiegadit eanet. Gáttis guhton gusat leat sihkkaris mearka čuozáhagas, man gánneha giiket dárkileappot!

Veahki čuozáhaga válljemii

Suoma fuođđoguovddáš fállá dáidda, geat leat ovddit Metsästäjä-bláđis almmustahtton ohcanalmmuhusa bokte registreren, iežas dárkilis dieđu sin lagašguovllu čuozáhagain, maid gánneha suoidnemánus dárkkistit beassádagaid várás. 

Movttiidahttit buohkaid čállit iežas fuođđo-loddeáicamiid Oma riistai čađa geasi. 

Loddeátlasrávvagat ja boađusbálvalus: lintuatlas.fi