Girdingovva 1 dahje 2: Nuppi rehkenastinreaissu Hokkanen áiccai iežas sániidis mielde “viehka jackpot”, 21 čivssa.
Áigeguovdilis ságat sámegillii

Kiikkárat ja suorsáčivggat
Nuoraid doaimmahus

Loddenáliin dárbbašat luohtehahtti dieđu oppa Suoma guovllus. Mo dat oalle dáhpáhuvvá?

teaksta Reetta Hokkanen

Julkaistu16.7.2020

Vuođđudin dán giđa ruovttubáikegoddái Suomussalmii guokte čáhcelodderehkenastinbáikki, maid válljejin buorre johtinoktavuođaid ja oidnosa dihtii. Ráfálaš jávregáddebáikkiin ainjuo nuppis suorssát bessejedje diibmá. Sáddejin dieđuid čuoggáin šleađgapoasttain Luondduriggodatguovddážii, mii sáddii munnje rehkenastima rávvagiid. Dárbbašlaš dieđut leat earret eará čuoggá koordináhtat, gáddesárgá guhkkodat ja rehkenastojuvvon guovllu viidodat, maid sáhttá rehkenastit álkit Karttapaikkas.

Párrarehkenastin ja čivgarehkenastin

Bessen dahkat párrarehkenastimiid miessemánu loahpas ja geassemánu álggus, go jieŋat vulge dán giđa Kainuus viehka maŋŋit. Párrarehkenastin dahkko vuosttas geardde millosepmosit vahku jieŋaid vuolgima maŋŋá, man dihtii rehkenastimat leat eará láhkai eará guovllus Suomas. Nubbi rehkenastin dahkko sulaid 1-2 vahku geažes vuosttas rehkenastimis. Čivgarehkenastin dahkko seammá čuoggás suoidnemánus.

Vuosttas rehkenastinbáikái mun vázzen. Farga jo oidnen čoađgevarrása vuojadeamen guhkkeleappos. Máhccen ruoktot ja vudjen boagánmohtorsihkkeliin vel nuppi rehkenastinbáikái, man rehkenastimii golai moadde minuhta. Mielde mus lei giikkár, kámera ja čállindárbašat. Čoađgevarrása lassin oidnen snárttal- ja suoidnesuorsápára. Merkejin buot áicamiid Laji.fi siidui.

Vuorddán movttegit čivgarehkenastima. Deháleamos šlájat leat čoađgi, suoidnesuorsá, čiksa, snárttal ja giehpavuonccis, muhto earátge čáhceloddeáicamat váldojuvvojit vuhtii. Deaŧalaš lea diehtit lottiid šlája, meari ja rávis lottiid sohkabeali. Rehkenastima ii gánnet guođđit dagakeahttá, vaikke juohke šlája ii dovddašiige. Vuođđošlájaid diehtin lea doarvái.

Mearkkašahtti bargu

Čuovvumii sáhttá oassálastit gii beare, muhto váldoáššis rehkenastit leat meahccebivdit ja eará eaktodáhtolaččat. Gáddái njáhkan ja lottiid áican addá gealdagasa, maid bivdoreaissusge ohcet. Rehkenastin nanne seammás iežas šládja- ja guovlludovdamuša. Vulgen ieš mielde rehkenastimii, go dieđán dan leat mearkkašahtti bargu. Čakčat sáhtán buriin mielain vuolgit bivdui, go lean dahkan iežan oasi fuođđonáliid čuovvumis.