Buot beatnagat registarii jagi 2023

Jagi 2022 álggu rájes leamašan fámus láhka ealliid identifiseremis ja registreremis. Lága vuođul eana- ja meahccedoalloministeriija lea addán ásahusa beatnagiid identifiseremis ja registreremis. Ásahus guoská buohkaid, nu bálvalan-, searve- go bivdobeatnagiidge.

Teaksta Terhi Jääskeläinen Govva Hannu Huttu

Julkaistu13.1.2023

Ovdal 1.1.2023 riegádan beatnaga hálddašeaddji galgá dovddaldatmerket beatnaga mikromoaluin maŋimustá 31.12.2023. Mikromoalu sáhttá bidjat šibitdoavttir dahje eará gelbbolaš olmmoš. Jagi 2023 álggu maŋŋá beana galgá merkejuvvot ovdal dan luobaheami ođđa hálddašeaddjái dahje maŋimustá 3 mánu agis.

Olgoriikkain Supmii bissovaččat dahje badjel golmma mánu áigái buktojuvvon beana galgá leat dovddaldatmerkejuvvon ja dan galgá almmuhit registarii njealji vahku mearreáiggi siste ja ovdal beatnaga luobaheami ođđa hálddašeaddjái.

Virgeoapmahašregisttar

Beanaregisttar lea virgeoapmahašregisttar, gosa eai vurke beatnaga sohkatávvaldieđuid dahje eará buđaldusdoibmii laktásan dieđuid. Registarii vurkejuvvojit dovddaldatduođaštusa dieđut:

  • beatnaga hálddašeaddji oktavuođadieđut (hálddašeaddji namma, persondovddaldat, lagaščujuhus, šleađgapoastačujuhus ja telefonnummir)
  • beatnagii stellejuvvon mikromoalu dovddaldatkoda.
  • beatnaga riegádanáigi dahje riegádanáiggi váillodettiin árvvoštallan riegádanáiggis
  • beatnaga rássa dahje rása váillodettiin sánálaš govvádus beatnaga olgguldas dovdomearkkain, sohkabealli ja ivdni
  • beatnaga namma dakkáražžan go hálddašeaddji lea dan almmuhan
  • beatnaga riegádanáigi, jus eará go Suopma
  • mikromoalu stellejeaddji namma ja čujuhus
  • mikromoalu stellenbeaivemearri.

Mikromoalu stellejeaddji galgá addit dovddaldatkoda beatnaga hálddašeaddjái, gii bealistis galgá almmuhit beatnaga registarii juogo internet-bálvalusas, mii gáibida nu gohčoduvvon nana elektrovnnalaš identifiserema, dahje Biebmodoaimmahaga nannen skoviin (poastta dahje šleađgapoastta bokte).

Nuppástusaid galgá almmuhit

Registarii almmuhuvvon dieđuid bissovaš nuppástusas galgá beatnaga hálddašeaddji almmuhit registarii mánotbaji siste. Almmuhusa ii dárbbaš dahkat vuollel golbma mánu bistán gaskaboddasaš nuppástusas.

Beatnaga hálddašeaddji molsašuvvamis galgá sihke ođđa ja ovddeš hálddašeaddji dahkat almmuhusa máinnašuvvon mearreáiggi siste. Go beana jápmá, heaittihuvvo dahje jávká, galgá beatnaga hálddašeaddji almmuhit áššis dieđu registarii maŋimustá mánotbaji siste dáhpáhusas.

Registreremis berrojuvvo máksu

Mávssu sturrodagas ii dán čáledettiin lean vel diehtu. Lassin beatnaga hálddašeaddjái šaddet golut mikromoalu stellemis. 

Vástádusat jearaldagaide

Biebmodoaimmahaga internet-siidduin figgat vástidit registaris bohciidan jearaldagaide.

ruokavirasto.fi/elaimet/elaintenpito-tunnistaminen-ja-rekisterointi/elainten-merkinta-ja-rekisterointi/koirat-kissat-ja-fretit/koirarekisteri/usein-kysyttya-koirarekisterista