Albasa bivdu álgá juovlamánus
Suoma fuođđoguovddáš lea mieđihan albasa nálledikšuma spiehkastatlobiid 314 albasa bivdui. Lohpemearri badjánii diimmážis.
Albasa nálledikšuma lobiid čujuhedje eandalii Mátta- ja Davvi-Savoi, Kainuui ja Mátta-Hämei. Dáid guovlluin albbasnálli lea stuorámus dahje nálleárvvoštallan lea šaddan garrasit. Boazodoalloguovllu máttabeale Supmii mieđihedje 307 spiehkastatlobi
Nálledikšumii vuođđuduvvan bivddu mihttomearrin lea náli dási stáđásmahttin ja Albasa hirasvuođa bajásdoallan olbmui. Suopmelaš vuohki muddet albbasnáli lea gávnnahuvvon doaimmalažžan. Riikkavuložat dohkkehit albasiid ja eaktodáhtolaš áicamiidda vuođđuduvvan nálleárvvoštallanvuogádat gokčá olles riikka ja doaibmá bures. Maiddái albasa dahkan vahága leat hálddašuvvon. Nálledikšumii vuođđuduvvan bivdu lea lassin dahkan vejolažžan dehálaš suopmelaš bivdokultuvrra seailluheami.
Luondduriggodatguovddáš árvvoštallá, ahte Suomas ellet ovdal meahcástanbaji álgima 2 065–2 170 badjel jagi ahkásaš albasa. Nálleárvvoštallan stuorui ovddit jagis badjel 200 albasiin. Albbasbeassádagat ledje Suomas mannan jagi sulaid 400.
Boazodoalloguovllus albasa bivdu álggii golggotmánu álggus. Suoma fuođđoguovddáš mieđihii nálledikšuma spiehkastatlobiid 7 albasii boazodoalloguovllus.
